Orthographic text
Ig monduguwa hiyol ogoo sigesig wogondoot.
Nom egee aminim.
Sib agabi looboot.
Laba endet,
hambul yagam onn teme mot, onn mo henim eb
Ilat.
Onn ilib
heb i
hat oo.
heb
Sandil ab ogoo igitasi,
Yab
Wo heb.
Ogooteleb,
Nomol hiyol hiyol ab tebegee.
Ab polonn heb isim omboo, hiyol omboo sandil ab agamoot.
Igita,
Onn yab,
Onn mo heb i,
hat oo.
hutamboo agamemind.
Agamb
hobol igitasi,
Sib agabi looboot.
Sib agabi egee looboot.
Om yab i yab i,
Sigesig hum nomol agabi om sigesig hi pannab
Oboob
Teb.
Nomol ha imom ubub weleb,
ha hi hi eb liboot.
ha hi hi eb egee lib oo.
Alimb,
egee liboot yab yab i.
lib,
liba,
heb
ogooteleb.
sandil ab yogumo noog ilib
teb
yab,
sandil ab noog oboob oo.
Wombalib,
Ogooteleb.
yanim eb nala.
mo hutee salib,
amoot.
“yogendenim eb naga”
Et.
“nogot oo,
lagab
yug”
et.
Amemind oo.
“Wig”
Emind.
Igitasi,
Onn ilat.
onn undum hutee oboob i
Ilib.
Was omboo ilib,
Heb
Agamoot oo.
Nomol ha hi hi eb ilib,
Sandil om wi tugub,
Oboob
yat oo.
Wog oboob
Yat.
Wogondoob
oboob
Yooguwa,
Ogootooloob.
Wo heb,
Ogootooloob,
Ab ogoo liboot.
Ilib,
Ab ogoo ilib,
Amoot oo.
“Enn angoom oo.
“See, nomol yogendenim eb naga.”
Eb.
Angoom oo,
Migemb
Igitasi,
ilib
Heb
Igisisi.
Woganda,
Heb
ogooteleb
Libigoom.”
Et.
Ooguwa
Ogooteleb,
Om yamind.
Ab ogoo wogoonoong amb I,
hutamboo yamind.
Yab
leb
hamind oo.
Noog hum wogondoot oo.
Hambul yagam teme, sigesig yombonn noog iguwabigoot.
homongot his es haga.
Es agamb i,
Am ama,
Yab
Beeyil oboob
Lebemind oo.
Leb,
Nim mendee hi pannab
Ogootooloob,
Oboob
Yann pigemind.
Omboo nomol oogum om teb i,
Ab nom wi tugub
Oboob i,
Yat.
Yooguwo, mo hutee hat oo.
Teme undum, mo hutee ooboogooloob,
Ombul yamind
Wo oboob
Yat.
Yab,
Yoolu agabi wo tenim eb nala,
Onn obugum pagulub I,
hat oo.
Nim sel was ooboogooloob I,
hiyol ogoo yat.
Oomoo teme om oboob
yat.
Undum ombul wogondoot.
Teme undum ombul wogondoot.
Wogondoob
Oboob yab
hogot tugula.
Wo mengelememind yab
nisil hala.
Teme undum hutam heb
Oboob,
nomol loolomboo tumunn wendeb
pigemind.
Hiyol ogoo mu hamind.
Omboo hobol nom endet.
enn egee angoom.
Nom his.